Tui chhunga kal thui record siam

Tui chhunga kal thui record siam
Australian freediver Amber Bourke, kum 35, chu tui chhungah meter 112.83 (feet 370 leh inches 2) a thui a kal a, Guinness World Records, hmeichhe zinga tui chhunga thawkna hmanrua engmah hmang lova kal thui ber record a siam.
Queensland khawchhuak Amber hiah swimming pool-ah record hi siamin, tui chhunga a luh dawna boruak a hip bak thawk lak belh leh tawh miah lovin, swimming pool chhuatah hian metre 112.83 a thui a kein a kal ta a ni.
Amber chuan, “Freediving instructor ka ni a, kum 10 chuang freediving ka lo ti tawh. Guinness World Records title neih ve hi ka chak thin a, chumi pah chuan Australian Marine Conservation Society tana sumtuak pah bawkin record siam tum hian ka bei ta a ni,” a ti.
Amber hi swimming pool chhungah hian tui hleuh tur ang deuhin a bawk deuh a, mahse, ke rinchhanin, swimming pool chhuat rapin a kal thung. Swimming pool tawp a thlengin a kut leh kein a bang a tawk ve ve a, inherin a kal let leh mai a ni.
Guinness guideline-ah chuan record siam turin an ke phah pakhat zawkin chhuat a rap reng tur a ni a, tui hleuh ang deuha kuta inhai a theih loh bawk.