Tuilian leh leimin a thlen thulha chet lak dan turah inrawnkhawm

Tuilian leh leimin a thlen thulha
chet lak dan turah inrawnkhawm
Tuilian leh leimin thulha chet lak dan entirin November hian state huapin neih tum a ni a. Hemi atana inbuatsaihna kal zelah inrawnkhawm leh hriat tur inhrilhin Zirtawpni khan an thukhawm a. District tin atangin inbiak hmuh theihna hmangin an chhim bawk.
National Disaster Management Authority (NDMA) leh district tina District Disaster Management Authority (DDMA) leh a kaihhruai Incident Response Team-ten an chhim a ni.
Disaster Management & Rehabilitation secretary K Lalrinzuali chuan Mizoram chu Seismic zone 5-a awm kan nih avangin lirnghing na tak thleng thei reng a ni tih a sawi a. Lirnghing bakah leimin, tuilian leh Cyclone thleng thei reng a nih avangin theihtawpa inbuatsaih a ngai tih a sawi. Chhiatrupna a lo thleng thulh a nih pawhin chet lak dan thiam theih nan mock exercise neih thin a pawimawh, tiin, State Headquater lama mawh la turte leh DDMA team zawng zawng chu an mawhphurhna tha taka hlen theuh turin a ngen.
Hemi hnu hian NDMA lam atangin senior consultant Brig. Ravinder Gurung (Retd) chuan Mizoram hmun hrang hranga mock exercise neih dan tur a hrilhfiah a ni.