Tuilianin motor leh rel kawng tibuai nasa

Tuilianin motor leh rel kawng tibuai nasa
France ram lailia chengte chuan ruahsur nasa tak tuarin, ningani atang khan hmun tam takah motor leh rel kawng khar a ngai hial.
An ram khawpui Lyon leh Saint-Etienne te chuan zirtawpni zing atang khan inkalpawhna kawngpui hrang hrang khar ngai khawpin tuilian an tuar tan a, heng khawpui pahniha rel kawngte hi la hawn mai theih a la ni rih lo.
Thuneitute chuan tuilian laka him turin mipuite an hrilh nasa hle a, a theih chin chinah mahni chenna in chhuahsan lo tur leh ina awm tam turin an chah nasa hle.
An ram wine siamchhuahna hmunpui Rhone leh Loire te chu hmun hlauhawm zuala an la awm avangin lirthei hmanga chhuak lo tur leh ke pawha pawn chhuak lo tura chah nasat zual niin, khawchin hian ziaawm lam a pan hun tur a la sawilawk theih loh thu an sawi bawk.