Tuilianin Nepal tibuai, mi 100 chuangin nunna chan tawh

Tuilian leh leiminin Nepal-ah chhiatna a thlen nasa hle a, report hnuhnung bera a lan dan chuan mi 120 in nunna an chan tawh.
Nepal ram hian ruahtui nasa tak an dawng mek a, an khawpui Kathmandu-ah pawh inkalpawhna thlengin a buai nasa hle.
Chenna in thenkhat chu kal pawh hleih theih a nih tawh loh avangin hrui khai hmanga chhanchhuah ngaite chhanchhuah hna thawh a ngai a, mi sang chuangin an chenna an luah ngam tawh lo bawk.
Ruahsur hian tuilian leh leimin a thlen nasat em avangin chhanchhuah ngaite hi helicopter hmanga hmun thenkhatah chuan chhanchhuah an ni bawk a, ruahsur hi thawhlehni thleng hian a la tam deuh dawn nia sawi a ni.
Sorkar thuchhuahin a tarlan danin, mi sang thum chuang chu hmun him lamah chhanchhuah tawh an ni a, hmun hlauhawma chengte hi hrui leh lawngleng bakah helicopter hmangtea chhanchhuah hna thawh reng a ni bawk.