Tunkar ruah a la sur tluan ring Inralring lawk turin mipui chah

Sawrkar laipui Ministry of Earth Sciences hnuaia Indian Meteorological Centre chuan tunkar chhung hian Mizoram hmun thenkhatah ruah a la sur nasa dawn niin a ngai a. Hemi chungchangah hian District Disaster Management Authority Aizawl chairman, bawrhsap ni bawk chuan chiai lo tura mipui a hriattir rualin, mipui him tlan zawkna atan zawm tur a siam.
Mahni in leh lo thli leh ruahin a dawl theih nan a tul anga thawmthat ngai lai thawmtha a, mahni in leh a velah leimin hlauhawm a awm anih chuan silpaulin/ tarpaulin-a khuh hul turin a ti.
Tuiluan kawr leh tuichhe paihna enfiah a, thenfai ngai leh thawmthat ngai tifaia siamtha tur leh, vawk leh ran dang vulhna thli, leimin siam theite enfiahin a thli dawlna leh luanna mumal taka siam turin a ti a. A theih chin chinah lui leh tuihmuna kal lo hram turin a ti.
. Thu dik lo leh belhchian dawl lo thehdarh lo tura mitin chahin, thehdarh an awm chuan DM Act 2005 hnuaia hremna dan ziak angina an chungah action lak a nih tur thu a sawi.
Khuarel chhiatna a thlenin District Emergency Operational Centre toll free number : 1077 a biakpawh theih a ni tih sawiin, engemaw avanga line a tlang thei lo a nih pawhin mahni bialtu zonal officer-te hnenah chhiatna thlen thu hriattir theih a ni tih an sawi.