TV-a lang thinte tan tawng hman dan zir

Mizo Language Development Board (MLDB) chuan Zirtawpni khan “Mizo tawng hman dan chungchang” seminar a buatsaih a. LPS, Zonet leh DDK a news editor, news reader, presenter, anchor leh youtuber-te tana tih a ni.
MJA Gen. Hqrs. president C Lalrambuatsaiha’n thu a sawi a; MLDB chairman R Lallianzuala’n seminar hawngin thu a sawi a ni.
Hun hniha then niin “Mizo tawng thluk dan tur dik” tih leh “Mizo tawng hman dik lo thinte” tih thupui hmangin MLDB member Rozama Chawngthu chuan paper a present a, sawiho zui a ni.
Report danin, MLDB hi thawk theia thuamthat ngai niin a lang a, tunah hian chairman leh secretary bakah casual employee – skilled-II pakhat leh unskilled pahnih an nei. Hei vang hian thawktu an mamawh ang pek belh theih nise, Board hi Mizo tana pawimawh tak a nih avangin hna an thawh tak tak theihna turin an mamawh ang sum leh pai leh hmanrua, lirthei thlengin pek theih nise, tia sawi a ni.