ublic Accounts Committee-in Khawzawl damdawi in an tlawh

Public Accounts Committee-in Khawzawl damdawi in an tlawh
Mizoram Legislative Assembly-a Committee peng – Public Accounts Committee (PAC) chuan an chairman Lalchhandama Ralte hoin Zirtawpni khan Khawzawl an tlawh a. District Hospital inenkawl dan an enfiah.
PAC hi Khawzawl bawrhsap K Vanlalthiana, Health department hotute leh District Hospital hotute nen an inkawm a. Hospital hmalakna, damlo enkawlna khawl leh damdawi neih zat leh an enkawl dan, staff an neih zat leh office inkaihhruai dan an zawt. Zawhna hi Hospital hotuten chhangin, an mamawh leh veizawng an lo thlen a ni.
PAC member-te hian District Hospital hi an fang a, a hmunhma leh a building awm dan endikin building leh quarter sak lai mekte an en bawk.
PAC hi Legislative Assembly-a officer leh thawktu thenkhat leh Health & Family Welfare department hotuten an tawiawm a ni.