Uniform Civil Code chu Mizorama hman ve ngawt theih a nih loh avangin Mizo mipui tan lo hlauhthawn vak na tur a awm lo tih Aam Aadmi Party chuan an sawi.
BJP sawrkarin ram puma hman tuma a ruahman Uniform Civil Code (UCC) chu an thlawp tih AAP National general secretary Sandeep Pathak chuan Aizawla thuthar thehdarhtute a kawmnaah a sawi a. Mizorama hman tur erawh chuan ram danpuiin a humhalh avangin hman ve ngawt theih a ni lo tih a sawi.
He dan hi Mizoram chauh niloin India ram, sakhua leh hnam hrang hrang awmkhawmnaah chuan hman mai a har hle dawn tih a sawi a. UCC hi AAP-in an thlawp tih a puan rualin, he dan siamnaah hian a nghawng turte rawn vek nise an duh thung tih an sawi.
India danpui Article 371(G) hnuaiah state hrang hrang zingah Mizoram leh Nagaland tiamin, sakhua leh hnam bilin dan kan lo kalpui tawh thin chu a hum tlat a, tih danglam a nih dawn chuan rawn an nih a, an aiawha roreltuten an pawm a ngai tih a sawi. “AAP-in an rawtnaa chiang ta em em chu, state aiawh roreltute hian an pawm dawn loa, UCC hi India ramah kalpui a ni ngai dawn lo,” a ti.
UCC hi Mizo mipui tan a hlauhawm loh – AAP
Get real time updates directly on you device, subscribe now.