UG Exam-a Mizo titha lawmpui

Mizo Students’ Union chuan kumin under graduate (UG) examination result tihchhuah taka Mizo zirlai tithate chu July 5 zan khan lawmpuina a buatsaih.
Hmanpuitu Assembly speaker Lalbiakzama chuan under graduate examination 2024-a subject topper-te a lawmpui tih sawiin, ram tana chhawrnahawm ni turin an thiamna chhawmnun zel tum a, chapo loa, inngaihtlawm taka zirlai dangte tana entawntlak nih tum turin a fuih. Thiamna leh finna hmangin khawvel a hneh theih tih chu Mizo thalaite thinlungah a intuh ngheh zel a ngai tih a sawi bawk.
UG exam-a tithate lawmpuinaah hian subject hrang hrang 26-a topper theuhte thilpek hlan an ni.