UK ah naupang kum tling lo thi, rinhlelh kawl mek

UK ah mipa naupang kum 8 mi chu farm pakhatah thichhawnga hmuh a ni a, a lu leh hmai velah kah ni ngeia hriat a ni.
Police te sawi danin he naupang hi putar kum 60 mi vel chuan awmpuiin, Warcop, Cumbria a hmun pakhatah a dah a, hetah hian hun engemawchen an awm hnuah a chungah hetiang thil hi a thleng ta mai niin an sawi.
Cumbria police te chuan inrinni chawhnu lam khan report an dawn bawhzuiin he lai hmun hi an thleng a, naupang hi air ambulance hmangin damdawiin panpui nghal nimahse, an chhan hman tak loh thu an sawi bawk.
Mipa naupang thihna hi ngawihbopui mai chi a ni lo a, pawisawi lo nunna hi engmaha lei theih a ni lo a, hemi phena inthup awm hi haichhuah ngei kan tum tiin police te chuan an sawi a, thuzawhfiah turin putar pakhat an kawl mek thu leh, thudik an hriat theih thuai tur thu an sawi.