UK leh Ireland-ah Euro 2028

Chhuak hmasa lamah khan Euro 2028 thlen tum ve pakhat Turkey a inhnuhdawh vangin UK leh Ireland te elpui an neih tak loh thu kan tarlang tawh a. Thawhlehnia UEFA meeting chuan UK leh Ireland hi Euro 2028 thlengtu tur an nih thu an nemnghet zui ta a ni.
UK leh Ireland in Euro 2028 an thlen tur thu tihchian a ni ta a, UK leh Ireland tih hian ram panga; England, Wales, Scotland, Republic of Ireland leh Nothern Ireland te a huam tih kan hriat a tha awm e! England in inelna tam zawk a thleng dawn a. Euro 2028 thleng turin England a khelmual paruk; Wembley, Etihad Stadium, Tottenham Stadium, Goodison Park, Villa Park leh St James Park te thlan an ni.
England a khelmual paruk bakah hian Principality Stadium (Cardiff), Hampden Park (Glasgow), Aviva Stadium (Dublin) leh Casement Park (Belfast) te thlan an ni bawk.
Euro 2028 hi Turkey in thlen an tum ve zet a, inelna lian thlengtu tur buk a nih dawn hnaihah an inhnukdawk a, Euro 2032 thleng turin an inbuatsaih leh ta zawk. Euro 2032 hi Italy leh Turkey ten inthlen tawm an tum a, tun thleng chuan thlen dil awmchhun an ni bawk. Switzerland-a UEFA meeting hian Italy leh Turkey in Euro 2032 thlen an dilna an pawm nghal bawk.