UN hotupain inbengdai turin India leh Pak a ti

UN hotupain inbengdai turin India leh Pak a ti
UN Secretary-General Antonio Guterres chuan India leh Pakistan chu inbengdai tura ngenin sipai hmanga inepna chuan ‘awlsam takin thunun zawh loh thil a thlen thin’ tih a sawi.
Tar lan tawh thin angin Asia chhim lam inthenawm ram pahnih hi April 22-a Jammu & Kasdmir, Pahalgam-a firfiak chetna avangin an inepna hle.
Guterres-a chuan Indian leh Pakistani sorkar inkarah palai hna thawk turin an inpeih reng tih sawiin United chuan inelna boruak tidai tura inbiak chu tha a ti reng dawn tih a sawi.
UN hotupa hian Thawhtanni zana New York-a UN Security Council-in India leh Pakistan inepna boruak sawiho tura an thutkhawm hma lawkin a ngaihdan hi a sawi a ni.
India leh Pakistan inepna chu ‘kum tam tak chhunga a san lai ber’ tih sawiin Guterres-a chuan, “Hetiang hun khirhah hian sipai hmanga chetna chu pumpelh hram a tha a, awlsam takin thunun phak loh buaina a thlen mai thin. Tun hi inbengdaia hnungtawlh hun tha ber a ni,” a ti bawk.
“Tih sual neih loh tur, sipai hmanga inchhan hi chhanna a ni lo. Ka pisain sorkar pahnihte hi muanna vawng nung turin a ngen a. UN chu boruak tidai tur te, palai hna thawk tur leh muanna a awm theih nana ke pen turin a inring reng a ni,” a ti.
Guterres-a hian Pahalgam-a April 22-a mi firfiakten khualzin 26 an thah kha a dem thu a lo sawi tawh a, “Civil mite beih hi pawmzam chi rual a ni lo,” a ti.
Tar lan tawh thin angin India leh Pakistan inkara hi Pahalgam beihna a thlen hnuah a chhe hle a. New Delhi chuan a thenawm ram hrekna eng emaw zat a kalpui tawh a, Islamabad pawhin a ti let a. An sipaite ve vein inralrinna atan nunchan an zir mek bawk.
Kar hmasa khan Prime Minister Narendra Modi-a chuan India-a sipaite chu phuba lakna tura an chet dan tur, an bitum leh a hun thu-ah zalenna a pe tawh a. Pakistan hruaitute pawhin India chetna chu sipai chakna hmanga chhan let ve a inpeih.