UNC ten Manipur-ah NRC update ngei ngiat

United Naga Council, Manipur a Nagas apex body chuan State sorkar chu National Register of Citizens (NRC) update tan vat turin an ti.
Manipur state sorkar Nongthombam Biren Singh kaihhruai chuan Assam-a NRC kalpui dan ang chu tih ve an ngiat a ni. Assam NRC kalpuiah 9.9 crore diltu awm zingah 19.06 lakh chu paihin an awm a ni.
“Illegal immigrants thahnem tak lo lut mekah NRC hi Manipur runtu ram dang mite kan dan theihna tur awm chhun a ni. Hei vang hian State sorkar chuan a rang thei ang berin NRC a kalpui tur a ni,” tiin UNC te chuan an sawi a.
Naga apex body te chuan Centre chu Myanmar atanga ram dang mi lutte pawmah puhin hei vang hian Manipur chu demographic crisis a thlen phah tiin a sawi bawk a.
UNC te chuan tun hnaiah lawk July 23 khan Assam Rifles te chuan Myanmar atangin ram dang mi Manipur-a lut 718 an awm tiin an tarlang bawk a.
State sorkar chuan illegal immigrants te thunun turin hma a lak a ngai a ni, tiin UNC te chuan an sawi bawk a.
Manipur hi major community pathum – Meitei, Nagas leh Kuko-Zomi te chenna niin Meitei leh Naga community te chu indigenous anga ngaih niin Kuki-Zomi te chu Myanmar atanga luta inbengbelah an chhuah a ni.
May 3 atanga Kuki-Meitei inbeihna thlenna chhan chu Kuki-Zomi te leh an Chin(Myanmar) cousins te chuan ‘narco-terrorism’ an kalpui a ni, an ti bawk.
Chutih laiin Manipur sorkar chuan Myanmar atanga Manipur a Chandel leh Tengnoupal district a illegal immigrants te hriatfiah theih nana Verification and Identification Committee te hun chu September 30 thleng pawhsei a ni a. A hma chuan hun tiamah March 31 tih a ni.
Union Home Ministry thurawn angin State sorkar chuan July thla khan Myanmar atanga lutte biometric data a lakhawm tan a. Ministry enkawl National Crime Records Bureau a officials te chuan Satte sorkar in Foreigners’ Detention Centre, Imphal East district a Sajiwa a biometrics lakkhawm a pui bawk a.
Manipur officials te chuan Myanmar nationals 718 lai naupang 301 leh hmeichhia 208 lai te chuan July 22 leh 23 khan Myanmar a Army leh civil forces te inbeihna avangin Chandel district-ah lut tiin an sawi a.
Heng Myanmar mite hi khaw pasarih – Lajang, Bonse, New Samtal, New Lajang, Yangnomphai, Yangnomphai Saw Mill leh Aivomjang, Chandel district ah te an awm mek a ni.
Manipur Cabinet a sub-committee, Tribal Affairs and Hill Development Minister Letpao Haokip kaihhruai chuan March-April khan Myanmar atanga raltlan lutte chuan district pali- Tengnoupal, Chandel, Kamjong leh Churachandpur a hmun 41 khan khua an din tiin an sawi bawk a. Haokip hi tribal MLA 10 Kuki-Zomi mite tana seperate administration ngiat zingah a tel bawk a ni.