Union Finance minister hoin budget pharh tur an thlirlawk

Union minister for Finance and Corporate Affairs Nirmala Sitharaman kaihhruaiin Inrinni khan New Delhi-ah state leh union territories ho tan central budget pharh turah inrawnkhawm a ni a. Mizoram sawrkar aiawhin minister Dr Vanlalthlana a tel.
Pre-budget consultation meeting hi state leh UT ho nen kumtinin Union Budget pharh hmaa neih thin a ni a. Tun tumah hian kumin February 1-a pharh tur Union Budget 2026- 2027 thlirlawk niin, state leh union territory aiawha kalten an ngaihpawimawh leh duh dan an sawi a ni.
Inrawnkhawmah hian Union minister of state for Finance Pankaj Chaudhary bakah Manipur larsap, Delhi, Goa, Haryana, Jammu & Kashmir, Meghalaya leh Sikkim chief minister, Arunachal Pradesh, Madhya Pradesh, Odisha, Rajasthan leh Telangana deputy chief minister-te bakah state leh UT Finance minister-te an tel.
Minister Dr Vanlalthlana hi Finance deputy secretary Rosiamliana’n a tawiawm a ni.