Union HM-in CM a thlamuan Chhiatna report thehluh turin ti

Union Home minister Amit Shah chuan Zirtawpni tlai khan chief minister Lalduhoma chu phone-a bia in, Mizoramin Cyclone Remal vanga chhiatna a tawhte a tawrhpui thu leh a tulna apianga puih a inhuam reng thu a hrilh.
Union Home minister hian Mizoramin a mamawh chuan Team of Expert an rawn tirh theih thu leh chhiatna an tawh dan report kimchang pawh a rang lama thehlut turin a chah a, a tul angin an tanpui dawn tih a rawn hrilh a ni.
Chief minister hian lawmthu lo hrilhin, tunah hian chhiatna chanchin kimchang report puahchah mek a ni a, karlehah chuan central lama an thehluh theih a beisei tih a lo hrilh a ni.