United States of America-ah politician kum upa lam hnawlna a sang zual zel

Tawngkam lar lo tak chu “gerontocracy” a ni a, a awmzia chu kum upa lamin sorkar rorelnaah a fawng an chelh sawina niin tunah erawh American vocabulary-ah a lar tawh hle.
Democrat leh Republican voter-te chu an ngaihdan a inang lo hle a, mahse, thil pakhatah erawh ngaihdan inang an neih tak awmin, chu chu America leader-te chu an upa lutuk tih a ni.
President Biden leh amah khin tum Donald Trump te kum chuan sawi a hlawh hle a. Thawhtan khan Biden chuan kum 81 a tling chiah a, America president ni tawh zinga upa ber a ni a, a khingpui ber tura ngaih Trump pawh a naupang chhe lo, kum 77 a ni tawh bawk.
American politician zinga a upa ber an la ni lo zui bawk a. Democrat Nancy Pelosi nakuma inthlana chuh leh tum thu sawi chiang tawh pawh kum 83 a ni tawh a. Republican Chuck Grassley chu United States a Senator tanglai upa ber niin kum 90 a ni tawh bawk.
Senate hi Latin tawng senex tih atanga lak niin a awmzia chu ‘upa leh kum upa’ tihna a ni a. Hruaitu leh hmeichhia US kaihruaitu upa puipui awmna niin media age pawh kum 65 lawih niin Senate upa ber a ni mek tiin Professor Kevin Munger, author of Generation Gap: Why the Baby Boomers Still Dominate American Politics and Culture chuan a sawi.
“Kum 50 leh 60 chho velte hruaituah kan beisei a, ram enkawla kaihruai turin tawnhriat an ngah tawk a ni” tia sawiin, “Chungte kan sawina chhan chu ram enkawltute hi kum 80 chho bawr vel vek an nih avangin a danglam a ni” tiin a sawi bawk.
Munger chuan tuna hruaitu kum upa an tam chhan hrang hrang a awm a ti a. A tam berte chuan an thuneihna kalsan an remti lo va, bithliah a awm bawk si lo a ti a.
Kum 1946 atanga 1964 vel baby boom tia sawi laia piangte chuan retirement age an thleng vek tawh a ti bawk a. Tlemte chauhin chawlh an thlan avangin thalai leh la naupang zawk ten dinhmun tha an chang thei lo a, tlemte thleng sangte pawhin an kum avanga enhniama an awm thu an sawi a ti bawk.
Mi tam takte chuan kum upa tawhte chu insaseng ngam turin an ngen a. La thalai zawkte tana hmun kian tawh turin an nawr bawk.
Democratic Senator Dianne Feinstein kumin kum tir lama kum 90 mi nia thi pawh kha mi tam tak ten a hrisel tawh loh avanga bang tura nawr tawk fo a ni a.
Tunah pawh kum 81 a upa Republican Senate Minority leader Mitch McConnell chu bang tura nawrna a awm mek bawk.
Pew Research study chuan America 72% ten federal official-te kum bithliah siam an duh a, generation change awm se an duh tia tarlan a ni.
Chutihrual chuan hruaitu thenkhatte erawhin chawlh an thlang mek a. Democratic Senator Joe Manchin leh Republican Senator Mitt Romney kum 76 ve ve te chuan inthlanah an chuh tawh dawn loh thu an sawi chiang dun thung a ni.
Patrick Leahy pawh kuminah Senate atangin a bang tawh a, kum 83 mi niin amah zui tur Democrat hruaitu lawk tam tak an awm tih a ni bawk.
“Mi tam tak Congress chhuahsan tura ka ngaih an awm a, an chhuahsan hlawm lo va. A then chu office an luah laiin an thi a, kei chu chutiang mi nih chu ka duh ve lo” tiin Patrick Leahy chuan a sawi a. A ban khan Congress member ni rei ber a ni.