University-a faculty indaihlohna awm?

India higher education sector ah faculty indaihlohna chu kum 1980 chho atang khan a awm tan a, tunah chuan a nghet lutuk tawh tia sawi a ni. Faculty member indaihlohna avang hian India knowledge sector chuan a tuar nasa tia sawi a ni a. College leh university te chuan hriatna thehdarh nan teachers leh researchers mamawh tawk a neih a ngai a ni.
Teaching thilah chuan online education-in tangkaina a nei a, mahse, classroom instruction a thlak thei lo. Research thilah pawh qualified faculty member thlak thei khawp engmah a awm lo bawk.
Faculty indaihlohna hi India chuan a ngaih pawimawh a ngai takzet tia sawi a ni a. Faculty indaihlohna chingfel tur hian harsatna pahnih a awm tia sawi a ni a. Pakhatna chu college leh university-ah te faculty resource lamah data rintlak a awm lo tih a ni a. Pahnihna chu faculty indaihlohna chu quantitative issue anga ngaihna awm vang tih a ni bawk.
Kum 2009 khan Ministry of Human Resource Development chuan he harsatna chingfel tur hian task force a lo din tawh a. Kum 2011-a ‘Report of the Task Force On Faculty Shortage and Design of performance Appraisal System’ a siamah rawtna a siam a.
India rama higher education system-a teaching staff emaw faculty indaihlohna nasa chu thil mak a ni lo. A mak lai ber zawk chu a nemnghettu tur factual data awm lo zawk chu a ni. A awmzia chu information regular taka lakkhawmna a awm lo tih a ni.
Hei vang hian report chuan standing mechanism tha siama faculty member zat te leh faculty resource awm te chu academic institution kum tina tan apianga website-a tarlang turin a ti a.
Kum sawm a ral hial hnuah pawh thil inthlak danglam a tlem hle. Academic institution tam ber te chuan website mumal leh kalpui tha tak an nei lo va, chung an website ah te pawh chuan information a then lai lai chauh an dah bawk.
Sorkar chuan kum tinin All India Survey of Higher Education (AISHE) hmangin college leh university data chu a lakhawm ngei a, mahse hei hi voluntary thil a ni thung a. An data te a dik leh dik loh report chu institution te thutlukna niin chung information te chu independent agency tena an finfiah a ni lo bawk.
Harsatna dang leh chu adjunct faculty member hmang uar lutuk chu niin college leh university thenkhatah chuan ‘ghost’ member te pawh an awm a. Adjunct or part-time faculty member te hi teacher-student ration tha lantir nan regular faculty anga chhiar tel fo an ni a, hei vang hian faculty resource rintlak neih a harsa em em tih a ni bawk.
Pahnihnaah chuan faculty indaihlohna chu quantitative issue anga ngaihhaina vang a ni tih a ni bawk a. Indaihlohna tih hian a huam zau viau a, kawng hrang hrang paruk laiin indaihlohna chu thlurbing theih tia sawi a ni.
Pakhatnaah chuan faculty member te chu discipline, institution leh location azirin a danglam a. Discipline thenkhatah chuan an tam lutuk thei a, a thenah an indaih lo thei bawk. Hei vang hian inbuk tawk demand leh supply inmil chu discipline tinah a ngai tih a ni a, chumi hmang chuan indaihlohna hriatfiah theih chauh a ni tih a ni bawk.
Pahnihnaah chuan public institution ten mamawh hle mahse faculty lakbelh turin sum an neih lohna a ni bawk a. Sum lama harsatna chu state university tin tena an tawn a ni a, an constituent college te pawhin an tawrh a ni bawk a. Zirlai an tam belh chungin state sorkar chuan post thar a siam thei meuh lo va, post awmsa pawh a hnawhkhat hleithei lo bawk.
Pathumnaah chuan indaih lo mahse institution thuneitutena faculty member an lakbelh duhlohna a ni a, hei hi chu private college leh university-ah te hlawkna chauh um te a thil thleng thin a ni thung. Hlawk an duhna lamah faculty pawh qualify lo zawk an la mai a, hlawh an pe chhe bawk a, chungte chu regular faculty te rawih man sang tihhniam nana an hman a ni.
Palina chu SC emaw ST te leh OBC te tana reservation vang tia sawi a ni a, hei vang hian qualify zawk te hnawlin an awm phah thin. |henkhatah chuan qualify an awm loh avangin faculty position dah awl nghawt te a awm bawk.
Panganaah chuan institution awmna leh hmun azira faculty member ten an working condition emaw living condition that loh avanga an kal that duh lohin a hrin a ni bawk. University thar tam tak te chu urban centre hnaih lova awm an nih avangin an tuar bik bawk.
Paruknaah chuan faculty indaihlohna chu qualitative vang tih a ni bawk a, PhDs nei tam tak candidate awm mah se, a taka faculty tura duh loh an awm tih a ni bawk a. Hei vang hian Indian university a PhD programme te chu quality zawka siam ngaih tih a ni bawk.