University-ah inkahna thleng, mi pakhat boral
Alabama-a Tuskegee university-ah kartawp hlimawm taka an hman laiin silai hmehpuah a ni a, mi pakhatin nunna chanin, mi dang 16 na takin an hliam.
Silai hmehpuah a nih hnu hian nunphung buai nghalin, hliam tenau tuar sawmhnih chuang an awm thu thuneitute chuan an sawi a, darkar engemawzat hnuah rinhlelh mi pakhat man zui a ni bawk.
Alabama Law Enforcement Agency chuan Montgomery-ah cheng Jaquez Myrick, kum 25 mi chu rinhlelh thilah an man nghal thu sawiin, ani hnen atang hian silai leh hmanraw dang hmuh a nih thu an sawi.
An mi manpa hi zirlai a nih leh nih loh sawi a ni lo a, university hian programme pawimawh tak a hman lai niin, zirlaite chu an chhungte pawhin an telpui hlawm a, hliam tuar zingah pawh hian zirlai ni lo an awm nual a ni.
University chuan thuchhuah siamin hliam tuar engemawzat chu Opelika-a East Alabama Medical Center leh Montgomery-a Baptist South Hospital-ah enkawl an nih thu an sawi a, an dinhmun dik tak erawh sawi lawk theih an neih loh thu an sawi.
University-ah inkahna thleng, mi pakhat boral
Get real time updates directly on you device, subscribe now.