UNSC-in ngenna na tak siam

UN Security Council chuan Sudanese paramilitary forces te chu Darfur region a El Fasher khawpui kar riat chhung an hualbeh tawh chu titawp turin a ti.
Sudan army leh paramilitary Rapid Support Forces (RSF) te chuan kum khat chuang indona an kalpui tawh a, Sudan civil war avang hian mi sang tamin nunna chan phah tawhin mi maktaduai chuang chenna in leh lo chhuahsanin a siam bawk.
El Fasher hi Darfur a major urban centre Sudan army te kuta la awm chhun a ni a.
UN security council chuan El Fasher hualbehna chu titawp nghal tur leh a chhunga sipai awm te pawh insawnchhuak nghal vek turin a ti bawk.
UN Security Council member 15 te chuan British duan resolution chu 14-in an pawm a, Russia chu a hai thung a ni.
UN Security Council chuan tharumthawhna uchuak taka kalpui ni ngei an hriat thu sawiin El Fasher beihna chu RSF ten chi leh hnam ang hawi zawngin an kalpui nia sawi a ni bawk a.
Thuchhuah an siamah UN Security Coucil chuan a rang thei ang bera inkahhaina awmin inbiakna hmangin buaina chinfel ni se a ti. Resolution chuan civilian te El Fasher chhuahsan duh te chu zalen taka an chhuah theihna tur leh tuamhlawm turin a ti bawk.
Britain UN envoy Barbara Woodward chuan El Fashr ah chuan mihring maktaduai 1.5 an chen thu sawiin he khawpuiin beih a tawk a nih chuan chhiatna nasa tak a thleng dawn tiin a sawi.
April leh May atanga he khawpui beihna avangin a chhunga cheng 1,30,000 chuangin an chhuahsan tawh a. UN expert-te chuan Darfur region buaina chuan Ukraine leh Gaza te buaina avangin ngaihven a hlawh lo mai mai a, genocide thleng thei reng a ni a ti.
Darfur a Right group te chuan RSF te chuan pawngsual chu indona hmanruaah an hmang a, vun hang Masalit mi te leh non-Arab group dang te chu thah chimih an tum tiin an sawi a, hei hi RSF te chuan an hnawl thu an sawi ve thung.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More