UP-ah SP-BSP ten BJP te paihthla thei tiin sawi

Mahan Dal president Keshav Dev Maurya, Uttar Pradesh-a OBC tena an thlawp party chuan parliamentary poll hmasa anga Samajwadi Party (SP) leh Bahujan Samaj Party (BSP) te an tangkawp a nih chuan BJP te chu hnehin an awm ang tiin a sawi.
Maurya party te hian Other Backward Class (OBC) communities heng Mauryas, Shakyas leh Kushwahas te thlawpna an nei anga ngaih a ni a. Kum 2024 Lok Sabha inthlan lo awm turah backward class forces te chu thawhho a ngai tiin a sawi bawk.
“Parliamentary electoion-ah SP tena party tenau zawkte an thawhpui chuan seat tam zawk an hmu ang a. Congress te nena an inkalh a nih chuan seat tlem zawk an la bawk ang. SP-BSP te thawhhona a awm leha party tenau zawk te an tel bawk chuan BJP te hneha awmin seat 60 atanga 70 vel neih theih a ni,” tiin a sawi bawk.
Maurya hi SP te nen an thawkho dawna ngaih niin Congress te erawh na taka beiin Dalits, backward classes leh minorities te kalhah a puh thung a.
“Kei Keshav Dev Maurya hi Dalits, backward classes leh minorities te kalhtu BJP leh Congress te do tu ka ni. SP leh BSP te chak se ka duh a ni,” tiin Mahan Dal president chuan X ah a post bawk a.
Mahan Dal hi kum 2008 a din niin June 15 khan Lok Sabha inthlan awm hmasa berah BSP te a thlawp tur thu a sawi a, mahse, tunah chuan SP te a hnaih tawh zawk thung.