Upate zahawmna chhawmnung ang – Lalbiakzama

Upate zahawmna chhawmnung ang
– Lalbiakzama
Upate zahawmna chu chhawmnun zel a pawimawh tih Assembly speaker Lalbiakzama chuan a sawi.
Kanghmun bial chhunga Mizoram Upa Pawl chuan Thawhlehni khan Kanghmunah Favang inkhawmpui an hmang a. Hmanpuitu Assembly speaker chuan Mizo khawtlang nunah mai ni lo, Pathian thu ah pawh upate zahawmna leh zah an phu zia kan hmu a, hei hi chhawmnun zel a pawimawh a, ram leh hnam anga malsawm dawnna pawh a ni, tia sawiin, “Kum upa tawhte hnen atangin thalai zawkten kawng engkimah zir tur kan nei. Sawrkar pawhin kum upa zawkte chanvo humhalh leh ngaihsak hi a dah pawimawh hle,” a ti.
Hnam fing zawkte chuan kum upa zawkte hlutna leh theihna bakah chhawr tangkaina lai an chiang em em tih Lalbiakzama hian a sawi a. Kan ram pawhin upate tawnhriat leh thluak fim kan mamawh, tiin, kum upat avanga inkiltawih mai loin, khawtlang kohhran leh ram inrelbawlnaah an finnaa chawma uap tlat turin MUP member-te a chah tih a sawi bawk.
Kanghmun Area MUP intawhkhawmah hian MHIP leh YMA hruaituten an telpui a. Thusawi, intihhlim hun hman niin zai ngaihthlak a ni.