US-in a kah hnu lawkah Modi-a’n Iran bia

US-in a kah hnu lawkah Modi-a’n Iran bia
US-in Iran-a nuclear hmunte a kah hnu lawkah Indian Prime Minister Narendra Modi-a chuan Iranian President Masoud Pezeshkian-a biain ‘rang taka inbengdai a, inbiaa palai intir turin’ a ngen.
Modi-a hian Pathianni khan President Pezeshkian-a hi a bia a, tun lai thil thleng hrang hrang leh an ramin beihna a tawh chungchangte a sawipui.
X-ah Modi-a chuan, “President Pezeshkian-a nen kan inbia a, tun laia thil awm dan kan sawi dun a, inepna boruak tang tak tha lo ka tih thu pawh ka hrilh a. An chhehvela a him a, a muanawm taka a awm theih nan rang thei ang beia inbengdaia inbiaa palai tir turi ka ngen a ni,” tiin a tar lang.
Israel-in Iran-in nuclear programme a neihte a tihpuitlin theih loh nana a beih mekna karah US chuan Inrinni zan (India-a Pathianni tuk) khan Iran-a nuclear sawngbawlna hmun thum – Fordo, Isfahan leh Natanz a kap.
Israel-in a beih lai leh US-in a chhunzawm ve mek lai hian Washington leh Tehran hi nuclear inremna a awm theih nan an indawr lai mek a ni a. Tel Aviv chetna avang hian inbiak zui tura an tih erawh an la chhunzawm thei rih lo.