US-in Agoa a\angin African ram te hnawl nual

US President Joe Biden chuan Uganda, Gabon, Niger leh Central African Republic te chu special US-Africa trade programme atangin a hnawl.
Heng ram te hi human rights bawhchhiatna lamah inhnamhnawihin leh democratic rules lamah hmalakna an nei lo tiin President Biden chuan a sawi a.
US chuan African Growth and Opportunity Act (Agoa) chu kum 2000 khan a kalpui tan a. He mi hmang hian sub-Saharan African ram te chu SU thil siam 1,800 chuang zetah duty-free access a pe a ni.
President Biden chuan Niger leh Gabon te chu military rule hnuaia awm mek an nih avangin Agoa kalpui thei an ni lo tiin a sawi a.
Hei mai bakah hian CAR leh Uganda te chu programme atanga an paih nachhan sawiin an sorkar ve ve tena human rights an bawhchhiat nasat vang a ti bawk.
May thla khan US sorkar chuan Agoa atangin Uganda chu nawrchhuah an lo tum sa tawh a, a chhan ber chu anti-homosexual law an neih vang tiin a sawi.
He dan hmang hian same-sex acts a inhnamhnawih man leh thiamloh chantir te chu thi tura hrem theih hial an ni.
“United States chuan Central African Republic, Gabon, Niger, leh Uganda te nena inremna tha a nei chungin heng ram te hian Agoa a US duhdan an kalpui zo hleithei lo,” tiin President Biden chuan a sawi bawk.
Agoa atanga nawrchhuah an nihna hi nakum kum tir atanga kalpui tan tur niin an economy a nghawng nat viau tirna a ni bawk a. Agoa hmang hian heng ramte hian hlawkna nasa tak an nei a ni.
US State Department chuan kar kalta khan Gabon hnena foreign aid a pek tam ber chu a tihtawpsak tawh a, Gabon ramin democratic rule a kengkawh leh a nih chuan tanpuina an pek zui tur thu a sawi thung.
August thla khan US Secretary of State Antony Blinken chuan Niger lakah pawh chetlakna neiin US chuan Niger sorkar hi nasa takin a lo tanpui tawh a ni tiin a sawi bawk a.
Burkina Faso, Mali leh Guinea te chu a hmain sipai sorkarin thuneihna an chan hnuah Agoa atangin an lo nawrchhuak tawh a ni.