US lakah India hmeichhe hockey team an tlawm

Ranchi khawpuia FIH Women’s Olympic Qua-lifier bul an tannaah Inrinni khan India nula-te’n Pool B match-ah sikhat faiin United States of America an hneh lo ringawt a, Paris thlen inbeiseina a sukuk hlek.
World number 6 Indian team hi world ranking-a 24-na daih luahtu American nulate lakah hian an fimkhur tawk lo a, an inthlahdah deuh tih a hmuh theih a; ball an chang tam zawk a, goal thun theihna hun remchang vawi duai lo an bawhpelh a, chu’ng zingah chuan penalty corner pararih zet telin, American defence sutdarh an harsat tlat.
USA chakna goal awmchhun hi minute 16-naa Abigail Tamer tihluh niin, he match-a an tlawmna hian India tan Paris kawng a ti chho ulh dawn a, an match khelh leh turah team khawng zawk an tum dawn avangin US laka an tlawm ringawt kha a hlimchhawn aiin an la ui zual hial mai thei!
Nizan result tarlan hman lohah India hian New Zealand hma-chhawn zui lehin, USA leh Italy an intum bawk.