US leh China te intlansiak nasa hle

US chuan thla leilungah chungnung zawk inchuhin China nen an intlansiak mek tiin Nasa chief Bill Nelson chuan a sawi.
Nelson chuan ‘kan hmasa tur ani’ an tih bur thu a sawi zui bawk a.
Kum 1960 leh 1970 chho khan US Nasa chu Soviet Union nen space race turu tak an lo nei tawh bawk a. Mahse, kum sawm nga vel a ral meuh chuan Nasa chuan private company te naa zawkin a hmang tawh thung a ni.
Nelson chuan private company-te hman chu tihmakmawh a ni tia sawiin a chhan chu a hautak em avangin insem tawn mai bakah Nasa chuan ‘private sector entrepreneur te crativity hman a duh’ tiin a sawi bawk.
Kum 2021 khan lunar lander siam turin Elon Musk a SpaceX hnenah contract $3 billion hu an lo pe tawh a, rocket turu ber an lo siam tawh bawk.
Space lama intlansiakna chuan private firm te dinhmun thaah dah nasa bawkin Nasa te chuan Jeff Bezos a din Blue Origin te nen pawh $3.4 billion contract an ziak tawh bawk a.
Heng company pahnih te hi sorkar sum atanga dollar maktaduai tel hlawkna la tu ber te an ni a. Heng sum tam tham tak thehchhuah te hi China aia chungnung duhna in a hrin vek a ni.
Nelson chuan China chuan US kaihhruaia space leh thlaa inelna tha a awm theih nana ruahmanna Artemis Accords ah hming a ziah hnan ve duh lo tiin a sawi bawk a.
China chuan space lama peaceful exploration chu tha taka kalpui a duh tia sawiin US-in a space programme a ngaihmawh a neih chu hnawlin China lama smear campaign kalpuiah a puh bawk.
Ram pahnih inelna avangin Nasa chuan investment nasa taka tiin September 2021 thleng khan Nasa chuan $71.2 billion chuang a seng tawh a, a hma kum aia a sum sen tamna chu 10.7% lai a ni bawk.
SpaceX te ang company lian chuan headlines an luah ber chungin Nasa sum sen chuan economy-ah nghawng a nei nasa an ti bawk a. “Kan sum sen tam takte hi hlawkpuitu ber chu sumdawng tenau te zawk an ni” tiin Nelson chuan a sawi bawk.
Heng sumte hian firm tenau zawkte a tithang zel a, a bik takin start-ups ten an hlawkpui a ni tiin Sinead O’Sullivan, Nasa engineer hlui leh Harvard Business School a space economist ni mek chuan a sawi.
Space lama intlansiakna avang hian space activity nasa tak siamin chu chu hlawkna teltu tam tak an awm thin a.
Kum 1957 khan Russia chuan orbit-ah satellite dahlutin khawvel ram zinga dahlut hmasa ber a ni a. Tunah chuan lei heltu satellite 10,500 chuang a awm mek tawh tiin European Space Agency chuan a sawi.
New Zealand-a inbun RocketLab chu space economy a player turu ber pakhat a ni mek a, SPaceX el ber niin Nasa leh US government agency-te tan satellite 40 chuang a kapchhuak tawh a ni.
Hetihlai hian United States-investment bank lian Morgan Stanley-te chuan global space industry chu kum 2040 ah chuan $1 trillion hu vel a ni ang tiin a len zual tur thu a sawi lawk bawk.