US leh UK te chuan ni reilote hnuah Ukraine in Russia lakah long-range missile a pekte a hman remtihna an pe dawna ngaih a ni a. Long-range missile Russian kah nana hman phalna chu hun rei tak chung Ukraine in a dil leh ngen tawh a ni a. Mahse, eng vangin nge Khawthlang ram te chuan remtihna pek an hreh em em le? Chu’ng missile te chuan indonaah danglamna a siam nasa thei dawn em ni?
-- Advertisement --
Eng nge Storm Shadow?
Storm Shadow chu Anglo-French cruise missile niin 250km kap pha niin French te chuan Scalp tiin an sawi.
Aircraft aanga kahchhuah chi niin ri(sound) tluka chaka thlawk thei niin missile ha turu a ni.
Storm Shadow chu bunker leh ammunition stores ang te Russia in Ukraine indona lama a hman angkai em em te beih nana duhthusam tia sawi a ni a.
Storm Shadow missile pakhat chu US$1 million man hu niin, hman a nih hmain drone man tlawm zawk te tirh phawt hin niin, hmelma air defence confuse taka siam a nih hnuah Storm Shadow chu hman a ni chauh hin.
Britain leh France te chuan he missile hlauhawm tak hi Ukraine hnenah an pe tawh a, mahse, thudelhkilh awm thungin, chu chu Kyiv chuan a ram chhunga beihna a tawhnaah chauh a hman remtihsak a ni.
Kyiv chuan Storm Shadow hi a hmang angkai hle reng a, Sevastopol a Russia chhuantawlawl Black Sea naval headquarter beih nan te hmangin Crimea a Russian navy te chu derthawng takin a dah theih phah reng a ni.
Storm Shadow chu Ukraine chuan a ram chhung Russia in a awpsak mekah awmze nei takin a hmang angkai hle tiin Justin Crump, military analyst, British Army Officer hlui leh Sibyline consultancy CEO ni bawk chuan a sawi a.
“Hei vang tak hian Kyiv in Russia ram chhung hmun pawimawh beih a nih theih nana ngenna a siam chu a awm hliah hliah a, a bik takin Ukrainian front-line te beih nan bera hman Russian glide bomb kahchhuahna airfield te beih nan a mamawh a ni” tiin a sawi bawk.
Eng vangin nge Ukraine in a mamawh?
Ukraine khawpui leh frontline te chu Russia in missile leh indo thlawhna hmanga a beih chamchi a ni a.
Russian missile leh glide bomb te chuan Ukraine military position te tichhiain Russia ram chhung aanga Russian aircraft tena an kahchhuah missile te chu a tuar hle a ni.
Kyiv chuan a ram chhung beihna hmun Russia ram chhung hmun te leh sipai hmun te beih remtihna pek a nih ve tlat loh avangin a kut nasa taka phuarsak ang a ni tiin a sawi a.
Ukraine in heng khawthlang ram pek ralthuam ha tak takte a ram chhung chauha hman remtihsak a nih avang hian indonaah Russia chu dinhmun ha zawkah dintirin Ukrainian civilian te chu Russian military air base te ai pawha venhimna nei chhe zawk tih a nih phah a.
Ukraine hian ama puala a siam long-range drone programme chu a nei a, chung te hmang chuan Russian te chu a barakhaih fo reng a. Mahse drone te chuan payload tlemte chauh an ken tel teih avang leh Russia in a lo hmuh lawk theih zel avangin a effective tawk thei lo thung.
Kyiv chuan Russian air strikes nawrlet tur chuan long-range missile Storm Shadow te ang te leh American siam Atacms te Storm Shadow ai pawha kap hla thei 300km lai kap thei te chu a hman remtihna pek a ngai a ti.
Eng vangin nge khawthlang ram te an fimkhur?
A bul ber chu indona chuan hlet nasa zawk a chhuah an hlauh vang a ni ber. Washington chuan Ukraine in Russia ram chhung hmun pawimawh te Western-supplied missile hmanga a beih vak chuan Russia chuan nasa zawka chhanletna a kalpui an hlauthawng a ni.
White House in hlauhthawn a neih chu Kremlin a hardliners te chuan chhanletna an siamna lamah Ukraine panna kawnga transit point pawimawh Poland te ang chu Russia in an beih hlauhna a nei a ni.
Russia in Poland ram bei ta se chuan Nato Article 5 tihnunin a awm dawn a, Nato alliance te chu Russia nen an indo zui mai dawn a ni.
24 February 2022 a Russia in Ukraine a run aang khan White House chuan fimkhur takin Kyiv chu a mamawh engkim pek tum tho siin mahse Moscow nena direct conflict a awm pumpelh tumin hma a la char char a, Moscow nena inbeihna a thlen chuan nuclear ralthuam hmanna a thlen a hlau a ni.
Storm Shadow in danglamna a thlen theih dan tur?
Hun rei tak chhung Kyiv chuan long-range missile te hman a dil tawh a, tunah hman phalna pe pawh nise a tlai lutuk tawh mai thei tia sawi niin, a chhan ber pawh Moscow chuan long-range missile hman theihna laka a him theih nan inpuahchahna nasa takin a lo kalpui tawh vang a ni.
Russia chuan a bomber, missile leh infrastructure pawimawh te chu Ukraine ramri hnaih aangin a ram chhung hmun ril zawkah a sawn tawh a, Storm Shadow in a kahphak lohah a dan hlawm tawh tia sawi a ni.
Russian air defence te pawh Storm Shadow kahchhuah thut theih laka invenna kalpui tura thuam a ni tawh bawk tia sawi a ni bawk a. Mahse, Ukraine in Storm Shadow hman remtihna a neih chuan Atacms hman remtihna in a zui ang a, chu chuan Russia chu air defence lamah harstana nasa tak siam dawnin Ukraine drone te pawh effective zawkin an awm theih phah dawn tiin Mathew Savill, RUSI think tank a director of military science ch