US official ten Niger hotute titipui

Senior US official chuan Niger military leaders te nena inbiakna an nei a.
Acting Deputy Secretary of State Victoria Nuland chuan titihona an neih chu ‘tlang hrak leh a chang chuan harsa tak’ tiin a sawi a.
Washington chuan diplomatic hmanga chinfel theih a nih la beisei tlatin President Mohoamed Bazoum chu a hna ngai chelh chhunzawm remtih theih a nih ringin mahse chutih laiin tanpuina tinte erawh chawlhsan a ni thung.
West African ram intelkhawm ECOWAS te chuan Niger chungchang hi Ningani-ah sawihona neih an tum thung a.
Ecowas ah hian West African ram 15 telin Pathianni kha Niger junta leader te hun tiam an pek tawpna niin president chu a hna ngai chelhtir leh tura an tih hun a ni.
Hetih lai hian coup leader te chuan Ecowas tena an beihna tur dan nan tiin Niger airspace te chu an khar zui nghal thung a.
Capital Niamey a inbiakna an neih hnuah Nuland chuan darkar hnih chuang sawihona an neih thu sawiin US chuan ‘Constitutional order anga thil kalpui duhna a awm a nih chuan US chuan puih a inpeih’ tia a hrilh thu a sawi a.
Nuland chuan military chief thar chief of staff Brigadier General Moussa Salaou Barmou a biak thu sawiin mahse Niger a self-proclaimed new leader general Abdourahamane Tchiani emaw Bazoum emaw a be lo tiin a sawi.
Bazoum hi hrenin a la awm mek a, mahse, US official te chuan a hmain phone hmanga an biak pawh thu an sawi thung a. “He thutlukna siam tute hian Wagner te sawm an nih hian soverignty tana a hlauhawmna an hrethiam chiang a ni,” tiin a sawi.
Gen Tchiani hi Bazoum venga presiential guard chief hlui niin 26 July khan Bazoum paihthlain thuneihna a inpe a ni.
Niger hi West Africa-a awm niin khawvela ram rethei berte zinga mi a ni a. Sipaite hian an rama himlohna leh economic dinhmun chhia chhuanlamin thuneihna an chuh a, mahse, sawi dan dangah chuan coup leader te hi ban tum mek an nih vang zawk tia sawi a ni.
Hlauhthawn ber pakhat chu coup leader te chuan Russia an awn hlauhna a awm a, Niger-ah hian French leh US te chuan military base neiin chutih laiin civilian sorkar paihthlak hlen tumna a awm chuan tiin thenawm ramte chuan sipai chakna hmanga Niger beih chu an hreh dawn loh thu an sawi thung.