US Open 2024 prize money
August ni 26 atanga September ni 8 chhunga New York khawpuia khelh tur kum khat chhunga grand slam tournament hnuhnungbera an hlawh tur chungchang tarlan a ni tawh a, tuntum hian chiang lehzual zawkin category tina an lawmman dawn tur zat kan han chhawpchhuak leh dawn a ni.
Kumin US Open-ah hian prize money atan US dollar maktaduai 75 semral a ni dawn a, nikum aia a punna hi 15% a ni.
Nikum khan Novak Djokovic chuan Russian Daniil Medvedev hnehin men’s singles title a la a; women’s singles title chu Coco Gauff kutah lut ve thungin, an pahnih hlawh hi a inzat a, US dollar maktaduai thum ve ve an hum haw.
Kumina men’s leh women’s singles champion hian nikum aia tam hret US dollar maktaduai 3.6 an hlawh tawh dawn a ni.
Kumin grand slam tournament danga an hlawh hi thlir zui thuak thuak ila.
Australian Open 2024 singles champion pahnih Jannik Sinner leh Aryna Sabalenka-te khan Australian dollar maktaduai 3.15 ve ve an dawng a, chu chu US dollar zawng chuan 2.08 million a ni.
French Open 2024 singles champion pahnih Carlos Alcaraz leh Iga Swiatek kutah euro maktaduai 2.4 ve ve lutin, chu chu US dollar zawngin 2.66 million nen a intluk.
Wimbledon 2024 singles champion pahnih Carlos Alcaraz leh Barbora Krejcikova-te prize money dawn zat chu pound maktaduai 2.7 niin, US dollar-a chhut chuan 3.51 million tihna a ni.
2024 US Open hlawh tur
Men’s leh women’s singles
First round : US dollar 100,000
Second round : US dollar 140,000
Third round : US dollar 215,000
Round of 16 : US dollar 325,000
Quarter-finals : US dollar 530,000
Semi-finals : US dollar 1 million
Runner-up : US dollar 1.8 million
Champion : US dollar 3.6 million
Men’s leh women’s doubles
First round : US dollar 25,000
Round of 32 : US dollar 40,000
Round of 16 : US dollar 63,000
Quarter-finals : US dollar 110,000
Semi-finals : US dollar 190,000
Runners-up : US dollar 375,000
Champion : US dollar 750,000
Mixed doubles
First round : US dollar 10,000
Round of 16 : US dollar 16,500
Quarter-finals : US dollar 27,500
Semi-finals : US dollar 50,000
Runners-up : US dollar 100,000
Champion : US dollar 200,000
(US dollar 1 = 0.9024 euros)
(US dollar 1 = 0.7688 pounds)