US Open mipa lam

US Open mipa lam
Defending champion Jannik Sinner chu US Open fourth round lut turin Inrinni khan a thawkrim a, 5-7, 6-4, 6-3, 6-3-a 27th seed Denis Shapovalov hnehin hardcourt Grand Slam bikah match 24 a chak zawn tling ta chiah a ni.
Kum 24-a upa Italian hi he major bikah hian kum 2023 atang khan a la tlawm leh ta miah lo a; hetih kawngah hian Australian Open title pahnih lain, nikum khan Flushing Meadows-ah hian trophy a hlawhchhuak bawk.
Four-time Grand Slam champion Sinner hian third round inkhel danga 14th seed Tommy Paul hnehtu 23rd seed Alexander Bublik a tum leh dawn a ni.
Tla langsar zingah Germany star Alexander Zverev chuan third round match paltlang zo loin Canada player Felix Auger-Aliassime chuan Inrinni vek khan 4-6, 7-6(7), 6-4, 6-4-in a hnawtchhuak.
2021 semi-final lo khel ve tawh kum 25 mi Canadian 25th seed Auger-Aliassime hian last 16-ah Russian Andrey Rublev a hmachhawn leh ang.
World number 173 Rublev hian qualifier ni chunga chu chen chen thleng Coleman Wong-a lasi thawnthu kal lai a tihtawpsak a, Open era china Hong Kong mipate zinga Grand Slam main draw thleng hmasa ber leh third round lut zui ta hial Wong chu 2-6 6-4 6-3 4-6 6-3-in a hneh a; heti chen level-ah pawh kum 21 mi lek Wong hi a la nep lo hle a ni.
435th-ranked Swiss qualifier Leandro Riedi chu a vanneihna a kal tluang zel a, set khatna lekah a tumpui Poland mi Kamil Majchrzak chu hliam avangin a inhnukdawk a, hahdama chakin, kum 2002 hnu lama major fourth round lut zinga ranking hniam ber a ni.
Riedi hmachhawn leh tur eighth seed Alex de Minaur pawh third round inkhel dangah a tumpui Daniel Altmaier chu 6-7 (7-9) 6-3 6-4 2-0-a a hnufual zawk laiin a inhnukdawk a, hamdam zawkin a tlang ve bawk.
Heti ang deuh tho hian tenth seed Lorenzo Musetti pawh a chipui Italian Flavio Cobolli theih loh vangin a chak nuamsa.
24th seed Cobolli hian set thumnaa 6-3 6-2 6-0-a a hnufual zawk laiin a ban a tina a, Musetti hian unseeded Spaniard Jaume Munar hmachhawn turin last 16 a lut ta a ni.
Inkhel dangah Munar hian Belgium player Zizou Bergs chu 6-1 6-4 6-4-in a hneh a, a career-ah a vawi khatna atan Grand Slam chawlhkar hnihna a chuangkai.