US palaiin MZU tlawh
Mizorama lo zin United States consul general Kolkata Melinda Pavek chuan Thawhtanni khan Mizoram University a tlawh a. MZU vice chancellor (acting) Prof. Pravakar Rath, dean ho leh official dangten lo dawngsawngin zirlai hruaitute, research scholar leh department tin aiawh zirlaite nen an inkawm.
US consul general chuan a thawhna US Consul office Kolkata hnathawh hrang hrang sawiin, khawvela US Consul office hmasa ber dawttu a ni tih a sawi. India leh United States inlaichinna sawiin, zirlaiten US visa an neih theih dan turte a kawhhmuh a. India leh US a zirlaite thawhhona (collaborations) chu an thil ngaihpawimawh ber zing ami a nih thu a sawi a ni.
Consul general hian Mizoram University Incubation Center leh BIONEST Center a tlawh bawk.
Thawhtanni vek khan Melinda Pavek hian Govt Aizawl West College-a India/ Mizoram leh US-a NGO hrang hrangte thawhhonaa din Alora – Center for Well-Being a tlawh a. He Center hi GAWC leh SHALOM Society hmalaknaa din niin, PEPFAR USA fund atanga tanpuina kal, CDC USA kaltlanga PATH-in India hmarchhaka an hmalakna – Project Sunshine hnuaiah tleirawl zinga enkawlna tura ruahman a ni. College zirlaite bakah a bulhnai veng thalaite hman tangkai theih tura ruahman a ni a. Counseling leh health services pe thei tura duan a ni.
US consul general hian Center ruahman dan leh kalpui dan bakah an hmachhawp a sawipui a. Thil thar leh hmundangah pawh tih zel tlak an ruahman thei chu lawmawm a tiin, a buatsaihtute fakawm a tih thu a sawi.
US palaiin MZU tlawh
Get real time updates directly on you device, subscribe now.
Prev Post