Boxing palian huanga boxer tha filawr pahnih; kawnghren kawl mektu ni bawk Oleksandr Usyk leh Daniel Dubois te a vawi hnih nan an inhnek dawn. Usyk leh Dubois te hi July 19 khian Wembley Stadium-ah palian huanga kawnghren pali chuhin an inhnek dawn.
Palian huanga kawnghren pali kawl khawm thei hmasa ber leh kawnghren pathum kawl khawm mektu Usyk hian professional huangah inhnek vawi 23 hmachhawn tawhin a la chak vek a. A hun laia palian boxer tha leh lar Tyson Fury leh Anthony Joshua te vawi hnih ve ve a hneh a. IBF champion ni lai Daniel Dubois pawh a lo hneh tawh bawk. Ukranian boxer huaisen Usyk hian boxing chwlhsan a rilruk hnai a, inhnek a chawlhsan hmain inhnek vawi hnih khat hmachhawn leh hram a tum a. A chawlh hmain kawnghren pali kawl khawm leh ngei a tum.
Usyk laka lo tlawm tawh Daniel Dubois a chetha chho viau a, Anthony Joshua hnehin IBF kawnghren a hlawhchhuak a, World champion a ni ta hial. Wembley Stadium-ah ngei dinhmun sang leh zual zawk luah theihna hun tha a nei dawn a. Usyk lakah phuba laa hnehna a chang thei a nih chuan Bristish boxer zingah palian huanga kawnghren pali kawl khawm thei hmasa ber a ni dawn.
Tarlan tawh angin WBA (Super), WBO leh WBC belt kawl mektu Oleksandr Usyk leh IBF belt kawl mektu Daniel Dubois te hi August 2023 khan an lo inhnek tawh a, round kuanaah knock-out in Usyk a chak. July ni 19 khian khelmual ropui Wembley a ngei boruak lian zawk nen an inhnek nawn leh dawn a. Inhnek hmuhnawm tak a nih ngei a beiseiawm.
Usyk leh Dubois inhnek leh dawn
Get real time updates directly on you device, subscribe now.
Prev Post