Utilization Certificate

Mizoramin Central aTanga hmasawnna hna thawh tur project hrang hrang a hmuhte thawh zawh loh tam tak a awm Thin a, hei hi Central lam funding tawp tak Thin vang ni lovin, a thawktu state sawrkarin hna kal laia fund hmuh zui zelna tura pawimawh tak Utilization Certificate (UC) a theh luh tlai vang te, a theh luh zui loh hrim hrim vangte a ni Thin.
Hemi chungchangah hian sawrkar thar chief minister chuan UC ngaih pawimawh a nih tur thu te, central aTanga fund lokal te Single Nodal Agency hnenah rang taka hlan zung zung a nih tur thute a sawi a. Hei hi nimina All Mizoram Centrally Sponsor Scheme Coordination Committee hruaituten an hmuhnaah chief minister hian a sawi a ni.
Utilization Certificate ngaihthah avanga Mizoramin hmasawnna hna a hloh hi tam tak sawi tur a awm ta. A chang chuan Utilization theh luh tlai avanga hna thawh zawh lawk loh te, a Then chu hna thawh zui That loh avanga UC thehluh tur awm lote a ni nawk hlawm bawk.
Heng CSS hnuaia hmasawnna project reng reng hi fund sanction a nih hnuah hna bulTanna atan project cost aTanga 20 % vel hi first installment atan release phawt a ni Thin a. Chumi hmanga hnathawh dan UC chu sawrkar laipuia a changtu ministry-in a lo hmuh veleh endik a nih hnuah second installment release leh a ni a, chutiang zel chuan project a len leh tet dan azirin installment zat pawh a tlemin a tam mai a. UC finfiah dawl a nih chuan hnathawh zelna tur sum installment hi sawrkar laipui hian a hreng khawtlai ngawt ngai lo a ni.
Hei hi a pawimawh em em a, abikin Mizoram hmasawnna atan phei chuan central scheme hi kan innghahna a ni mai a, hmasawnna hna liantham thawh nana state sum thehchhuah tur nei ve lo kan nih avang hian, CSS tihhlawhtlin tam hi hma kan sawn ve theihna ber a ni. Sawrkar laipui hian state tinte hi mahnia inkhaichhuak thei tura a duh avang hian sawrkar laipui aTanga kan sum dawn tur hrang hrangte hi a titlem hre hret zel a, matching share pawh a sang chho tulh tulh a, India hmarchhak state-te hi chu kan la hnufual deuh avangin ngaihhnathiamna a la awm hram hram zawk a, mahse hei pawh hi nakin lawkah a la tawp dawn. Chuvangin, tuna hun Tha kan neih lai hian central scheme a tam thei ang ber hai chhuak a, tihlawhtling tura Thahnemngaih taka remchanna hi kan lei thiam a pawimawh hle a ni.