Uttar Pradesh-ah BJP te beisei loh thleng

Uttar Pradesh chu kum 2014 atanga BJP te vote hmuhna ber a ni a, kum 2024-ah erawh harsatna nasa tak an tawk ta thung. He chanchin ziah lai thleng hian INDIA Alliance a tel Samajwadi Party leh Congress te chuan Lok Sabha seat 80 awmah 44-ah hma an hruai a, NDA te chuan 35-ah hma an hruai thung.
Kum 2014 leh 2019 inthlanah khan BJP te chuan Uttar Pradesh-ah hian seat 71 leh 62 an la a ni. Exit poll lakah khan a hma ang bawkin BJP te chuan hui deh vek turah a dah a, mahse, tuna a lan dan chuan exit poll chu a dik lo chiang hle.
Eng vangin nge BJP tena chakna bera an hman Uttar Pradesh-ah an hnungtawlh viau le.

Ram Temple-in BJP te a pui em?
Kumin inthlan kaihhnawiha sawihlawh ber chu Ayodhya-a Ram temple chu a ni. Kum 1980 chho atang tawh khan Ayodhya-a Ram Temple sak chu BJP te poll thutiam ni reng a ni a, kumin inthlanah pawh Ram Temple hawn a ni chu danglamna siamtu turah an hisap a ni.
Mahse, a lan danah chuan Ayodhya chu factor pawimawh a ni tlat lo, a awmna Farizabad constituency-ah ngei pawh awmzia a nei pha lo tlat. He chanchin ziah lai hian Election Commission data chuan Faizabad-ah pawh Smajwai Party candidate Awadesh Prasad chuan BJP’s Lalu Singh lakah 20,000 vote velin hma a hruai zawk. A thenawm constituency pasarih zingah pawh BJP ten pahnihah hma an hruai a, Congress ten pahnihah leh SP ten pathumah hma an hruai zawk.

UP Ke Lakde kuminah hlawhtlin hmel
Kum 2017 Uttar Pradesh poll-ah khan Akhielsh Ydav leh Rahul Gandhi te an campaign dun chungin BJP ten seat 302 an la a, Congress-SP alliance chuan seat 47 chauh an la thung.
Kum sarih ral hnuah hruaitu pahnih te chu an puitling zual ta bawk a, INDIA alliance tana bei lehin tuna a landanah chuan danglamna an siam dawn tlat. INDIA bloc chuan seat 80 awmah 42 ah hma hruai mekin NDA te aiin panga-in hma an hruai fal zawk.

Mayawati Factor awm lo
Mayawati kaihhruai Bahujan Samaj Party te chu danglamna siam ziah thin an ni a. Kum 2014 Lok Sabha poll ah pawh khan BSP te chuan Uttar Pradesh-ah seat pakhatmah an la lo va, mahse, kum 2019 inthlanah chuan seat 10 an la daih thei. Inthlan hnuhnung zawkah khan Samajwadi party nen an thawk dun a, kuminah chuan anmahniin an hmachhawn thung.
Kuminah pawh BSP te chuan seat khat mah an la dawn lova ngaih theih niin chu chu Mayawati tan chuan chanchin lawmawm a ni hauh lo. Nagina seat ah pawh Dalit leader Chandrashekhar Azad chuan hm a hruai laiin BSP te chu palina an ni mek a. Azad an chaka a chang a nih chuan he seat hi SC-reserved a nih avangin BSP tana channa nasa tak tur niin Mayawati loyal Dalit voter te chuan an kalsan tihna a ni ang.
Hetih lai hian Uttar Pradesh-a Rae Bareli constituency-ah chuan Congress leader Rahul Gandhi chuan 3 lakhs vote chuangin hma a hruai mek thung.
Sonia Gandhi chuan Rae Bareli seat hi kum 2004 atang khan a thut char char a, mahse, kumin hian in candidate loh a thlang ta thung a ni. Kum 2004-a Sonia Gandhi-in 1.67 lakh a chakna a chan kha inhnehna nasa ber a ni a, kumin hian Rahul Gandhi-an a khum hmel ta a, he chanchin ziah lai thleng hi chuan chakna zat a la hriat loh.