Vairengte – Mualkhang kawng siamthat thuai dan tur rel ho

Vairengte leh Mualkhang inkar kawng thawmthat thuai a nih theih nana hmalak dan tur sawiin Zirtawpni khan Kolasib district bawrhsap hoa thutkhawm a ni a. District administration hotute, PWD hotute, NHIDCL hotute bakah Kolasib Drivers & Welfare Joint Action Committee hruaitute leh contractor-te an tel.
Bawrhsap chuan Kolasib paltlang national highway-te chu Mizoram mipui chawmtu kawng pawimawh tak a nih angin, kawng enkawl that loh leh thawm that lohna chuan Mizoram mipui tan harsatna a thlen theih tih a sawi a. Hnathawh theihna hun tha a awm lai hian inthlahdah loa chak taka hma lak zung zung a tul a, contractor-te hna pawh uluk taka vilpui an ni dawn tih a sawi.
Thutkhawmah hian addl. DC hoa Kolasib Drivers & Welfare JAC-in kawng chhia an endik china an thil hmuh leh hmalakna kalpui dan tur sawi a ni a. Contractor-te chu hna hmabak an neih theuhte an thawh tan theih hun tur leh an thawh zawh hun tur chiang taka sawi tura tih an ni. Sawt zawka hna kalpui turin sawrkar leh khawtlang tanrual a pawimawh tih sawi niin, hmaraw tha chauh hman a nih theih nan uluk taka hna vilpui tum a ni tih sawi a ni bawk.