Vairengte- Sairang inkar siam ran tir turin MP-in MoS ngen
Lok Sabha MP Richard Vanlalhmangaiha chuan Ningani khan Union minister of state for Road Transport & Highways Ajay Tamta chu Delhi-a a chenna inah hmuin Mizorama kawng pawimawh chu ruah tam hmaa a theih ang anga siam rang turin a ngen.
MP chuan ruahtui tlak hun chhung a rei avangin tuna National Highway No.6 (54 ni thin), Mizoram chak lakluhna ber Vairengte leh Sairang Buichali inkar siamthatna atan hmun thenkhata tender an chhuah tawh chu a rang thei ang bera furpui thlen hmaa a tam thei ang siam hman turin a ngen.
Union MoS pawhin theihtawp a lo chhuah tur thu a hrilh a ni.
Mizoram chu ruahtui tamna hmun a nih avangin kawngpui a tlo zawk theihnan a tam thei ang ber concrete pavement (rigid pavement) a siam dan ngaihtuahpui turin Richard Vanlalhmangaiha hian a ngen a. Concrete pavement hi Mizoram sawrkar leh chief minister duh dan a ni tih a thlen bawk.
Vairengte- Sairang inkar siam ran tir turin MP-in MoS ngen
Get real time updates directly on you device, subscribe now.