Vaivakawn Zohnuai kawng siam en
Leimin avanga Vaivakawn Zohnuai kawng tlabalin harsatna dang a thlen tawh loh nana hmalak dan tur leh kawng siamthat dan tur enfiahin Thawhlehni zing khan Disaster Management & Rehabilitation minister K Sapdanga leh Public Works Department minister Vanlalhlana ten a hmunah an tlawh.
Sawrkar chuan helai kawng hi siamthat a nih theihnan cheng nuai 218 senna tur DPR ruahman a ni a, sawrkar hmasa-in SASCI sum nuai 60 a lo dah pawh hman chhunzawm tura tih a ni. Hna hmanhmawh thlak a nih avangin PWD chuan departmental work-in a thawk dawn a ni.
PWD hotute chuan hnathawh tawh dan leh chhunzawm zel an tum dan an sawifiah a. Leiminna hmun hi ruah a sur chuan tla leh mai thei dinhmuna a din avangin a rang thei ang bera hna thawh a tul tih an sawi. Lei tla leh mai thei hi fimkhur taka thenfai hmasak a tul tih an sawi a, kawngthlang lam Airport Road pawh khar zeuh zeuh a tul dawn tih an sawi a ni.
DM&R minister chuan tuna mamawh hmasa chu, chhiatna nasa zawk a thlen tawh lohna tura ven a ni a, a kaihhnawih department-ten muangchang loa mahni hmazawn theuha kan tih tur tih thuai a tul a, hna hi a rang thei ang bera thawh tan a nih theihnan ruahmanna sen a tul tih a sawi. Sum harsa mah se, a theih ang ang pawtkhawmin hma lak a tul tih a sawi a. A hmun hi mimal in sak lehna atan a remchang tawh lo a nih pawhin, vantlang hmun nuam taka cheibawl theih a ni em tih pawh enzui zel nise, tiin a sawi bawk.
Hmalakna hmasa:
4 Direct Recruitment Examination, Limited Departmental Examinations leh Departmental Examination hmangin a la a, chu’ng zingah chuan direct recruitment-in mi 111 a la hman.
4 Hmalakna hmasa atan tuna leithaw inchhek mek cubic metre 4900 dawn chu thenfai thuai tum a ni a. Leih paih dan tur, a paihna tur leh hemi avanga kawng khar lailawk ngai leh bawhzui ngai dang chu District Disaster Management Authority thutkhawmah ngaihtuah nise tih a ni. Line department hotute atangin report ngaihthlak a ni bawk.
4 Hmalak lehna tura ruahman chu, leimin avanga harsatna dang thleng tawh lo tura furpui thlen hma ngeia leithaw chhekkhawl paihfai, tui luankawr tha tawk tak leh kawng tha leh tlo tur RCC balcony hmanga siamte a ni.
4 Kawng tha leh tlo zawk, fur ruahtui tlak hma ngeia peihfel hman a nih theih nan hmalak tul leh awmze nei zawka tui luankawr siam dan tur sawiho a ni.