Vantirhkoh lem pungkhawm tam record siam

Philippines-ah vantirhkoh lem anga inthuam mi 2,000 chuang an pungkhawm a, hmun khata vantirhkoh lem pung khawm tam ber record an siam thu Guinness World Records-in a puang.
Vantirhkoh anga inthuam te hi San Rafael, Bulacan-a Victory Coliseum-ah an pungkhawm a, Guinness World Records atanga endiktu ten an chhiar thlap hnuah leh an inthuamna te an endik sak hnuah record an siam thu hi an puang ta a ni. A hmaa hetiang record chu Winnipeg, Manitoba, Canada-ah 2015-a an siam niin, record hmasaah hi chuan vantirhkoh lem 1,275 an pungkhawm a ni.