Ruah a sur lo rei a, a sur hnuah pawh a la tlem. Ruah a sur tlem rih a, ruah tui a tlem rih bawk.
April ni 10-ah khan ruah a sur a, hei hi kumina ruah sur vawi thumna chauh a la ni. Kum dangah chuan March-ah te, April-ah te ruah tui a tla tha thin a, kumin chu a la tlem rih khawp mai.
State Meteorological Centre-in an chhinchhiah danin, April ni 10 tlai lama ruah sur kha mm 16.4 a ni a, a tla deuh tlawrh a nih kha. A sur rei loh aiin a tam a, mahse a chhunzawm rih lo. April ni 7-ah khan mm 10.2 a tla bawk.
An chhinchhiah danin, nikum April-ah khan ruah tui mm 87 a tla a, 2023 April-ah 98.1, 2022 April-ah 73.2 a tla.
Kuminah ruah a sur har a, March ni 18-ah ruah hmasa ber a sur chauh. Ruah a sur han tih tur chu a ni ve na a, ruah tui a tlem, mm 1.8 chauh a ni.
2023 March khan ruah tui mm 78 a tla a, 2024 March-ah mm 33.8 a tla. Kumin March-ah chuan mm 1.8 chauh a ni.
Kuminah January leh February-ahte ruah a sur lo a, March leh April-ah sur mah se a la tlem rih. Chawlhkar tharah hian India Meteorological Department chuan Mizoram hmun thenkhatah ruah a sur mai thei an ti.
Vawi thum chauh ruah la sur
Get real time updates directly on you device, subscribe now.