Tun hnaiah African Swine Fever (ASF) vanga vawk thi a tlem ta deuh a, suat tur a awm loh ni te pawh a awm ta.
October ni 27 khan Mizoramah ASF vanga vawk tihhlum/suat (cull) a awm lo a, thla ruk vel chhunga vawk suat loh ni awm chhun a ni.
AH&Vety department chhinchhiahna enin, vawk thi zat pawh a tlem telh telh a, ni tina vawk thi zat an chhinchhiah hi tun hnaiah a tlem zawngin a kal.
October ni 29 khan vawk hi 12 a thi a, a vanglai nena khaikhin chuan a tlakhniamna hi sang tak a ni.
Tun thlaa ASF vanga vawk thi zat hi a hma angin a tam ta lo a, thla chawhnu lamah hian a hri hi a zia lehzual niin a lang.
A vanglai kha chuan ni khata vawk thi zat kha a za tel a ni \hin a, tun thlaah hi chuan chutiang a ni tawh lo. Ni 15-ah khan vawk pakua a thi a, ni 19-ah pathum, ni 20-ah pasarih a thi. Heng ni thumah hi chuan 10 hnuaiah a awm a, mahse ni 28-ah khan vawk thi zat hi 52 a tling leh.
Thla ruk chuang chu ASF vanga vawk thi a awm ziah a, ASF vanga vawk suat loh ni erawh a awm tawh, October ni 27 khan vawk suat a awm lo a, hei hi thil chhinchhiah tlak takah ngaih a ni. Mahse a tuk a\angin vawk suat hi ni tin a awm leh.
Vawk thi nasa lo telh telh
Get real time updates directly on you device, subscribe now.
Next Post