VC-ten mahni ram inpe lo ang
– Lalchhandama Ralte
Village council-te chu an tan ram inpe lo turin leader of opposition Lalchhandama Ralte chuan a chah a. Thangtharten kan thlan an la hai duh mai a hlauhawm, tiin a sawi.
SIRD-PR buatsaih Darlawn RD Block chhunga village council member-te tana hriat tur pawimawh inhrilhtawnna chu Ningani khan SIRD-PR hmun Leitan-ah neih a ni a. Hmanpuitu, Tuivawl bialtu MLA ni bawk Lalchhandama Ralte chuan hmar tlangdung chu Mizoram kawtchhuahpui a la ni dawn tih a sawi.
“National highway pahnihin min paltlang dawn. Hmar tlangdung ‘landlock’ tia sawi thin chu tunah hian road alignment tih mek a ni a, compensation kalpui chhunzawm tur a ni. VC member-te mahni leh mahni ram inpek loh tur. Nakin lawkah thangtharten in thlan an la rawn hai duh mai ang,” tiin, duham lo turin a chah.
VC-te chu ram peka fimkhur tur leh hmasawnna ngaipawimawh turin a chah a. Zirna kawngah pawh tun HSLC leh HSSLC result chhuakah hmar tlangdung chu an tlahniam hret tih sawiin, tan la turin a fuih.
Tuivawl bial mipui chu sawrkar health care-a inziak lut turin leader of opposition hian a ngen a. MLA leh VC-te buaina pui ber pakhat chu damlote inenkawlna senso phuhruksak a ni tih a sawi.
VC-ten mahni ram inpe lo ang – Lalchhandama Ralte
Get real time updates directly on you device, subscribe now.