Veteran League 2026 – Club Francis An Champion Veteran of the league – Zoramsanga
Veteran League 2026 – Club Francis An Champion
Veteran of the league – Zoramsanga
Hermon Children Home, Leitan puihna tur puala Veteran Basketball League 2026, January ni 5 atanga ni 10 thleng, Mission Vengthlang Inpui (Basketball Court) a khelh chu a hmawrbawkna January ni 10 zan khan neih a ni a, final inkhel hmuhnawm takah Club Francis chuan Team X chu 71 – 56 in an hneh a, an champion zui.
Club Francis hi Mizorama mumal taka basketball din chhoh a nih hun lai bawra mi daih tawh a ni a, kum 2004 atang khan vawiin thlengin mumal takin an la kal a, an club hun hmasa lama Mizorama player tha te khelhna thin a ni. Veteran puala basketball inelna tunhnaia awm zawng zawngah an champion vek a, an record tha hi chuhbuai pha an awm meuh lo.
Team 8 inlanna league-ah hian Zoramsanga (Team X) chu Veteran of the league-ah thlan a ni. Player upa ber (timeless hooper award) ah Vanlalruata (Team X) chu thlan a ni bawk. Mimal lawmman hi thahnem tak sem chhuah zui a ni.
Champions – Club Francis
Runner -Up – Team X
3rd Place – Teammates
4th Place – Underdogs
Hoops Mania Timeout
Veteran league neih zawh tak hi mimal thahnemngai hmalakna in neih a ni a, Aizawl District Basketball President Pu Dennis Vanlalmawia leh ADBBA committee member Nauba Nepram (Batea) te chuan tul ang ang te buaipuiin he intihsiakna veteran basketball player-te hlut tak hi an buatsaih a ni.
Sponsorship hi AMC, LESDE, Women & Child Development, Fancy Electronics bakah mimal thahnemngaite hnen atang hian league organiser lam hian an dawng a, inelna buatsaih hi a hautak tham em avangin mimal thahnemngaihna ringawt a tawk lo fo! League a hlawhtlin theihna tura senso tumtute hi an zahawm hle.
Mizoram Basketball Association (MBBA) hian Veteran League hi changtlung lehzualin buatsaih thei se; chutihrualin, mimal thahnemngaite pawhin buatsaih zui zel tho se tih hi Mizorama basketball a insawhngheh zel theihna tur thlir phakte duhthusam pakhat a ni.
Club Francis Team List
1. Richard Hmingliana
2. H. Laldinsanga
3. Marc Lalthlamuana Sailo
4. Lalrempuia Vaiphei
5. David Lalruatfela
6. Freddy Lalramngheta
7. KC. Lalliantluanga
8. Albert Lalramchuana
9. David Lalrinchhana
10. Ngurrinmawia Sailo
11. HT. Vanlalremruata
12. Lalrintluanga
13. Peter Tairang
14. Oliver Zothanpuia
15. Vanlalruata Ralte
16. K. Lalchhuanawma
Coach : Lalruatfela
Astt Coach: Laltanpuia
Manager : Malsawmzuala