Vice president lo zin dawn

February 26 hian Mizoram University chuan Convocation vawi 18-na an hmang dawn a. India vice president Jagdeep Dhankar chu hmanpui tura beisei a ni.
Vice president lo zin tur dawnsawn dan relin Nilaini khan chief secretary Dr Renu Sharma hoin he thila mawhphurhna nei fepartment hotulute an thukhawm a. Department mawhphurhna nei leh an tih tur chin bituk leh ruahmanna thlirho a ni a, heng hi tha tak leh felfai taka hlenchhuak turin chief secretary chuan department hotulute a chah a ni.