Vispy-a’n Hercules Pillars record a siam

A hming chu Vispy Kharadi a ni a, a chak khawp mai a, a hming lemah ‘Steel Man of India’ te an ti hial a ni. Guinness World Records-ah pawh a mikhual tawh lo hle a, record 17 a siam tawha, tun tumah chuan ama record siam tawh khumin record thar a rawn siam.
Tun tuma a record siam hi Hercules Pillars chelh ding rit thei record a ni. Ban lian tak pahnih a ding luah mai a, ban pakhat ringawt pawh hi pound 575.4 (kg 260.9) a tling a, chung ban pahnih te chu tlu mai thei turin an tung a, a pawhna tur chain an siam a, Vispy chu ban pahnih inkarah chuan dingin, a ding leh vei lamin ban pakhat ve ve chu pawtin, record siam turin minute khat tal a pawh din a ngai a, Vispy hian minute khat leh second 7 a pawt ding thei. A record siam hi Hercules Pillars pawt ding rit thei ber record a ni.
Record hi Attari border, Punjab-ah a siam a ni a, Vispy chuan a record siam chu India venghimtu sipai te puala a hlan thu a sawi.