Vote chhiar chungchanga hriattur tul inhrilh

Mizoram MLA inthlanpuia Lunglei district-a Assembly bial 6 – Lunglei North, Lunglei East, Lunglei West, Lunglei South, Thorang leh West Tuipui biala vote tla te chhiar huna candidates, election agents leh counting agents ho vote chhiar chungchanga an hriat tur tul chu nimin khan inhrilh a ni a. District election officer Ramdinliani’n a hmanpui. State level master trainer pahnih – DTO/DLAO Beitlotha Nohro leh SDO (C) Tlabung H Zonunmawia ten counting agent-a ruatte leh vote chhiar nia hriat tur tulte an hrilh a. Postal ballot, EVM leh ETPBS chhiar dan hrilhfiah a ni bawk.