Vote thlak nawna chak hram Merz-a German chancellor ni dawn ta

Vote thlak nawna chak hram Merz-a German chancellor ni dawn ta
Conservative hruaitu, Friedrich Merz-a chu parliament vote thlakah hnehna changin a beih vawi hnihnaah Germany chancellor a ni thei dawn ta.
Merz-a hi Thawhlehni chawhmaa vote thlak hmasakah hnehna chang turin a mamawh chu vote rukin a phak lo va, a hming than ngaihtuah leh Indopui hnua German chanchina thleng ngai lo a thleng a ni.
Secret ballot hmanga seat 630 awmna Bundestag-a inthlanah hian tute nge vote duh lo tih hriat a ni lo va, a kaihhruai centre-left tangruang nge a telna tho, conservative-ho zawk tih a chiang lo.
Bundestag-a darkar eng emaw zat boruak mumal a awm loh hnuah party-te leh rorelna in president-te chuan vote thlak leh an titlu ta a, Merz-a hian vote 325 hmuin vote kuain a hmu tam zawk a ni.
Social Democrats nen an thawhhonaah parliament-ah hian chak ngei tura ngaih niin MP 328 an nei a; mahse, an zinga 18 chuan vote thlak hmasak zawkah hian an phatsat tihna a ni.
Kum 1949-a Germany-a mipui rorelna tun din a nih leh hnuah Bundestag-a vote thlakah hian chancellor atana candidate zingah tling lo an la awm ngai lo va, vote thlak vawi khatna zawhah pawh parliament chhung boruak chu a chiri nuaih phah a ni.
Germany ram dan ang chuan Merz-a hi a chak lo a nih pawhin vawi eng zat nge vote thlak nawn theih tih bituk a awm hran lo va; mahse, a vawi hnihnaah hian chak lo leh sela chuan a kaihhruai, Christian Democrats, an thawhpui Christian Social Union leh Social Democrats tan thil zahthlak leh buaina tling tur a ni.
Kum 69 mi, Merz-a hi President Frank-Walter Steinmeier-a’n chancellor atan amah leh a minister tur 17 a la lut zui ang.
Bundestag President Julia Klöckner chuan vote thlak nawn hi Nilainia neih turin a ruahman hmasa a; mahse, Christian Democrat General Secretary Carsten Linnemann chuan kaltlangpui nghal chu tul niin a sawi.
“Europe hian Germany chak tak a mamawh a, chu chu ni thar kan nghah theih loh chhan tur a ni,” tiin German TV hnenah a sawi.
Parliamentary group leader Jens Spahn-a pawhin a thawhpuite chu an mawhphurhna hre tura ngenin, “Europe pum pui, khawvel pawhin kan inthlang hi min ngaichang a ni,” a ti bawk.
Merz-a hneh a ni hi politics mi thiamte chu a na hle dawn tih sawiin a kaihhruai conservative nena thawhhona tur thuthlung ziak, Social Democrat SPD member-te tih a ni thei tih an sawi.
Bundestag president chuan vote thlak hmasakah hian MP 630 zinga pakua chu an kal lo va, MP pathum haiin pakhat chu vote thi a nih thu a sawi.
Germany-a europe minister thar, Gunther Krichbaum-a chuan MP thenkhat zingah minister emaw, state secretary emaw nih inbeisei awmte beiseina chu a chuai ta tih a sawi a. Social Democrats la naupang deuh zingah Merz-a’n a hmin tawk lo nia insawi pawh an awm niin a sawi.