Voters ID-a diklo awm online-in siamthat theih

Voters ID-a diklo awm
online-in siamthat theih
Electoral photo identity card (EPIC) a dik lo a awm an nih chuan online-in siamthat theih a ni tih Election hotute chuan an sawi.
Chief electoral officer Mizoram Dr Lalrozama chuan Nilaini khan thuthar thehdarhtute a thutkhawm pui a. Inthlan leh a kaihhnawiha chak zawka hma lak ho theih dan tur leh Election Commission of India duh dan tih hlawhtlin kawnga thawhhona tha zawk a awm theih dan a sawipui.
Thutkhawma sawi danin, ECI hian elector-te hnenah rang zawka EPIC pek chhuah zel a tum a. Ruahmanna thar ang chuan, electoral roll-a update hrang hrang tih atanga ni 15 chhung ngeiin EPIC hi voter-te kuta hlan hman tum a ni. Hei hian electoral roll-a inziahluh thar emaw vote nei tawh engemaw tih danglam ngai pawh a huam vek a ni.
Hetihlai hian voters ID-a address dah, house number thlengin, a taka address nen inmil thlap lo tam tak a awm thei tih CEO hian a sawi a. Siamthat dan ngaihtuah tha a tih thu a sawi.
Election hotute chuan voters ID hi online hmangin mahnia a siamthatna tur thehluh mai theih a ni a, voters helpline app leh voter service portal a luhin, mahnia siam theih a ni a, document ngai leh a tih dan tur chu a lo lang mai tih an sawi a ni.