Voters’ list atangin um chhuah paih nghal zel dawn
Voters’ list atangin um chhuah paih nghal zel dawn
Assam Chief Minister Himanta Biswa Sarma chuan tun hnaia phal loh hmuna awm an hnawh chhuahte chu dan lova an lo awmna hmuna voters’ list-a an hming pawh paih nghal a ni dawn tih Pathianni khan a sawi.
Margherita, Tinsukia-a hun a hmanna hmun pakhata thuthar lakhawmtuten an kawmnaah Sarma chuan an state-a chhuan kal tawhte chu Assam chuan hnuai leh laili ‘chhan’ kawngah an hlawhchham niin a sawi a. Chuan chung leh hmar lamah erawh ‘chhan’ tuma tha thawh a tul thu a sawi a, an chhan loh ramah hian Bengali tawng hmang Muslim tam tak an awm tak thu a sawi.
“Hmun khat atanga mi hnawh chhuah an nih chuan an awmna hmuna voter list atangin paih nghal a ni ang a. Inhnawh chhuah rualin voter list atanga paih hi a tel nghal a ni,” a ti.
“An lo luh hian Assam chuan chuan leh hmar lam an lo lut zel tawh a. Kan tum chu Assam chuan hnuai leh laili ang maia liamtir loh a ni a. Keini leh kan hmaa chhuante khan Assam chuan hnuai leh laili hi an lo chhan thei lo va, tunah hian chuan chung leh hmar lam chhan tumin kan bei mek a ni,” a ti.
Sarma chuan July 15 thleng khan May, 2021-a chief minister a nih atangin phal lohna hmuna chenna bigha 1,19,548-a zauva cheng an um chhuah tawh thu leh mi 50,000 chuang an nih tawh thu a sawi.
Chief minister hian a hmain an state chuan ‘sakhaw pakhat-a mite rûnna’ an tawng niin a lo sawi tawh a, an sakhua leh ram thleng azirin dan lovin ram an luah mai zel niin a sawi.
Sorkarin Margherita-ah dan lo leh phal lohnaa awm um chhuah beihpui a thlak ve dawn em tih chu Sarma chuan chhangin hma lak tan mek tawh a nih zawk thu a sawi.
“District commissioner leh superintendent of police pawh ka sawipui tawh a. Pawn lam atanga lo lut, helaia chhung leh khat pawh nei ni lo, lo awm ve tawpte hi um chhuah an ni dawn. Thil kalpui tan mek tawh a ni,” a ti.
Assam chuan chung khawchhak kila awm, Margherita-ah hian ‘mi 10,000-12,000 vel zawi zawiin’ an lut niin a sawi.
Margherita-a tribal chenna hmuna ram neih theihna pek phal loh chungchangah Sarma chuan, “Moran, Mottock, Ahom, Gorkha, Koch-Rajbongshi leh hetiang hnam dangte hnenah hian rei tak an lo chen tawha kan hmelma an nih loh chuan ‘patta’ pek an ni,” a ti.
Heng tribal-te hnenah hian hun rei tak an lo cheng tawh a nih chuan ram neih phalna an pe dawn tih a sawi a ni.