Vuan lova thirsakawr khalh thui record siam

Vuan lova thirsakawr khalh thui record siam
Cyclist Robert Murray chuan vuan lovin thirsakawr km 130.29 a thui a khalh a, Guinness World Records, vuan lova thirsakawr khalh thui ber record a siam, Murray hian vuan lovin thirsakawr hi darkar 5 leh minute 37 khalhin, km 130 hi a tlan thleng hman a ni. He record siam hi Alzheimer’s Society of Calgary tana sumtuak nana a tih a ni.
Robert Murray chuan, “Alzheimer’s hi kan chhungkuain kan buaipui hle a, ka pi pawh he natna avang hian kan chan tawh a ni. Chhan tha tak nei chunga record siam hian thinlung lawmna a thuah hnih bik a ni,” a ti,
Robert hian naupan lai atangin thirsakawr khalh hi a tuipui tawh a, tui hleuh zir tura an unaua an kal thinnaah zingkarah a nau a phur kual thin a, chuta tang chuan a nunah thirsakawr khalh chu a bet ve ta tlat mai a ni. Robert chuan, “Km 10 tlan thlen pawh a vawi khatnaah chuan harsa talh talh tak a ni a, rei ka ti ngar ngar khawp mai. Mahse, kartin ni hnih khat han tih takah chuan ngaiah kan nei ve mai,” a ti a, chuta tang chuan thui tak tak thirsakawr khalh chu nuam tihna a nei tan ta a ni.