Wakf Act siam danglam tumna duh lo
All India Muslim Personal Law Board chuan Wakf Act, 2013 siam danglam tumna chu an duhloh thu sawiin, “kf Act thlak danglam tum a, wakf property te khawih danglam emaw sorkar emaw mimalin emaw luah luih tumna te chu pawm a ni dawn lo” tiin AIMPLB thupuangtu SQR Ilyas chuan a sawi a. board chuan sorkar chuan he Act a thlak danglam tumna akalpui a nih chuan dan hmangin a khing ang tiin a sawi.
“Media report-a a landanin Government of India chuan Wakf Act, 2013-ah amendment 40 vel siam tumin chumi hmang chuan Wakf property te status leh nature thlak danglamin tichuan neitu nihna awlsam zawka neih theiha siam a tum a ni. Tunkar hian Parliament-ah chu mi atana bill chu pharh a ni thei a. Muslim personal Law Board chuan wakf property te chu Muslim philantrophist te sakhuana leh charitable thila donation pe tena an siam a ni a. Sorkar chuan Wakf Act chu regulate nan chuan thuneihna a pe a ni,” tiin a sawi.
Tun hnaiah Wakf property te chuan inhnialna a thlen a, Capital Delhi a mosque 20 vel, dargahs leh cemetery te chu Wakf Board tena reitak an enkalw hnuah Centre kutah a lut a ni. Hei mai bakh hian Wakf property te chu non-Wakf kaihhnawihah hawhtir emaw hralh nia sawi a ni bawk.
Wakf property te hi Constitution of India leh Shariat Application Act, 1937 hmanga humhim tlat a ni thung.
“Sorkar chuan heng property te nature leh status tidanglam thei turin amendment a siam thei lo,” tia sawiin Ilyas chuan, “Modi sorkar in Muslim te kaihhnawiha thutlukna a siam tinah thil laksak zawk vekin engmah pek a nei lo, Maulana Azad Foundation a kharsak a, minority scholarship titawpin triple talaq a khap bawk” tiin a sawi bawk.
He thil hi Muslim te ah chauh kalpui a ni dawn lo a ti bawk a. “Wakf property te a khawh hnuah hian Sikhs leh Christians endowment te an thlurbing leh anga chumi hnuah Maths leh Hindus religious property dang te pawh an thlur leh mai ang” tiin Ilyas chuan a sawi bawk a. Muslims te chuan Wakf Act amendment chu an pawm dawn lo a ti bawk.
NDA allies leh Opposition party te chu parliament a Bill pass tumna pawm lo tura ngen bawkin Muslim community te pawh he thilah hian kan lungrual tur a ni a ti bawk.