Wales-ah inkalpawhna kawngpui leh school khar

Wales-ah inkalpawhna kawngpui leh school khar
Wales chuan ruahsur nasa tak a tawrh mek avangin lirthei hmanga inkalpawhna leh rel kawng tam tak an khar mek a, school an khar bawk.
Wales police te chuan lirthei khalhtute tan pawh kan kawngpuite a him tawh rih lo a, kan ramchhung inkalpawhna kawngpuite kan khar rih a ngai a ni, an ti.
Rel kawng thuneitute pawhin mitin him zawk nan rel tlan chu chawlh lailawk tir vek a nih thu sawiin, rel kawngah tui a tling nasa em em a, mitin him nan rel hmanga zin rih loh a him thu an sawi bawk.
School thuneitute pawhin naupangte chu school chawlhtir a tul rih thu an sawi a, ruahsur vangin khawlaiah tuihawk a lian thei hle a, fimkhur a ngaih bakah, zirlaite tan chhuah loh a him thu an sawi.
Nilaini atang khan Wales ah hian ruahtui a tla tam zual dawn nia sawi a ni a, khaw awmdan chu inthlak thut thut thei a nih avangin an ram khaw awmdan chin tur chu hriatthiam a la har rih thu an sawi bawk.